Нетанјаху го обвини Иран за нападот на израелскиот брод: „Ќе удриме по целиот регион“

Израелскиот премиер Бенјамин Нетанјаху го обвини денес Иран дека стои зад минатонеделната експлозија на израелскиот брод во Оманскиот Залив и вети одговор против иранските интереси „во целиот регион".

Фото: ЕПА

„Тоа навистина беше иранска операција. Тоа е јасно“, изјави Нетанјаху за радиото Кан.

На прашањето дали Израел ќе одговори, тој ги повтори претходните изјави за одлучноста да го спречи Иран да развива нуклеарно оружје, додавајќи: „Што се однесува до мојот одговор, ја познавате мојата политика. Иран е најголемиот непријател на Израел и решен сум да го запрам и ќе удриме по него низ целиот регион“.

Техеран не го коментираше инцидентот ниту одговори на претходните израелски тврдења дека би можел да биде вмешан.

Израелскиот брод МВ Хелиос Реј се наоѓал на релација помеѓу саудиски Дамам и Сингапур, а експлозијата се случи крај брегот на султанатот Оман, објави компанијата Дриад Глобал задолжена за поморска безбедност.

Оманскиот Залив се наоѓа помеѓу Иран и Оман, на излезот од стратешкиот Ормуски теснец, низ кој поминува добар дел од светската нафта и во кој делува коалицијата предводена од САД.

Нетанјаху во моментов води кампања за изборите на 23 март.

Радиото го емитуваше интервјуто по синоќешните напади кои му се припишуваат на Израел, а биле извршени против проиранските елементи во соседна Сирија.

Бидејќи интервјуто било снимено порано, овие напади не се коментирани.

Легенда под Главна слика

Фото: ЕПА

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе