НАТО: Мора да се подготвиме за најлошото поради можна инвазија на Украина

Во Рига денеска завршува дводневната конференција на министрите за надворешни работи на НАТО. Главна тема на самитот е односот на алијансата кон она што на Запад се гледа како растечка руска закана.

Фото: ЕПА

Генералниот секретар на НАТО Јенс Столтенберг предупреди дека Алијансата мора да се подготви за најлошото бидејќи расте загриженоста дека Русија може да подготвува инвазија на Украина, пренесе АП.

Украина наведува дека Москва задржала околу 90.000 војници во таа област по масовните воени вежби во западна Русија на почетокот на оваа година и дека лесно може да ги мобилизира.

Киев денеска побара од НАТО да подготви економски санкции против Москва, со цел да спречи можна инвазија, бидејќи Русија концентрираше десетици илјади војници на границата со Украина.

Министерот за надворешни работи на Украина Дмитро Кулеба изјави дека на вториот ден од самитот на шефовите на дипломатиите на членките на НАТО во Рига ќе побара дискусија за одговорот на натрупувањето руски воени единици.

Кулеба оцени дека НАТО треба да ја зајакне воената и одбранбената соработка со Киев, пренесува Ројтерс.

Рускиот претседател Владимир Путин изјави дека Москва сака сериозни разговори со Вашингтон за правните гаранции кои би исклучиле „било какви нови движења на НАТО на исток и распоредување вооружени системи во близина на руската територија“.

Легенда под Главна слика

Фото: ЕПА

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе