На протестите во Иран има и смртни случаи

Во неколку градови во Иран избувнаа насилни протести поради смртта на 22-годишната девојка Махса Амини. Девојката почина во притвор откако била уапсена од полицијата за морал бидејќи не сакала да носи хиџаб. 

Фото: ЕПА

Демонстрантите се судрија со полицијата.

Најмалку осум демонстранти беа убиени во текот на петдневните протести, според бројот на официјално објавените смртни случаи и оние што ги пријавила групата за човекови права.

„Слушнав три истрели. Полицијата ги блокираше патиштата кога бев таму. Беше тотален хаос. Синоќа бев надвор. Само возев подалеку од централните делови на градот.

Имаше голем метеж и стотици луѓе беа на улиците. Полицијата им кажуваше на луѓето да не влегуваат во централните делови на градот, но стотици веќе беа таму. И во еден момент дојде до судир меѓу полицијата и народот“, изјави жител на градот Казвин.

Две лица загинаа вчера во градот Керманшах во западниот дел на Иран, а 25 лица се повредени, пишува иранската новинска агенција Фарс. Курдската група за човекови права „Хенгав“ со седиште во Норвешка, која прва објави за трите смртни случаи, во средата соопшти дека во текот на ноќта биле убиени уште двајца демонстранти.

За време на протестот, некои жени го симнаа хиџабот и го вртеа во воздух. На видеата на интернет се гледаат две жени како ги фрлаат своите хиџаби во оган. Друга жена е видена како ја потстрижува косата во знак на протест.

Многу Иранци, особено младите луѓе, ја сфатија смртта на 22-годишната девојка како дел од репресијата на Исламската Република против несогласувањето и сè понасилниот морален полициски однос кон младите жени. На некои протести, демонстрантите се судрија со полицијата, а густи облаци солзавец беа видливи во главниот град Техеран.

Демонстрантите, исто така, беа бркани и тепани од мотоциклисти на Басијас, кои се доброволци на иранската паравоена Револуционерна гарда. Басијас во минатото насилно ги задушуваше протестите, вклучително и протести против правата на водата и лошата економија во земјата. Демонстрантите извикуваа пароли како: „Смрт за диктаторот!“

Видеата споделени од ирански новинари на социјалните мрежи покажуваат како безбедносните сили пукаат од пиштоли и водени топови, ги бркаат демонстрантите и ги тепаат со палки. Овие протести се најсериозните протести во Иран и првиот предизвик за режимот. Се појавија снимки од демонстрантите кои ја совладаа полицијата, при што еден демонстрант собори на земја полицаец за морал.

Во очигледен обид да се смират тензиите, помошникот на иранскиот врховен лидер, ајатолахот Али Хамнеи, изрази сочувство до семејството на девојката убиена во притвор во Техеран.

Смртта на 22-годишната девојка и одговорот на Иран на протестите предизвикаа осуда од Обединетите нации, САД, Франција и други земји. „Протестите покажуваат друг можен пат за Иран“, рече британскиот министер за надворешни работи.

„Жално е што некои земји се обидуваат да го искористат инцидентот што е под истрага како можност да ги остварат своите политички цели и желби против владата и народот на Иран“, изјави Насер Канани, портпаролот на иранското Министерство за надворешни работи.

Легенда под Главна слика

Фото: ЕПА

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе

Ракот на корупцијата и понатаму е ендемичен, а актуелната власт сè повеќе потпаѓа под лошите навики на претходниот режим на Никола Груевски.

повеќе