Ќе бара дозвола за користење на својата вакцина во итни случаи бидејќи нова студија покажала дека вакцината силно штити од болеста, јавува Асошиејтед прес. Модерна вакцината ја работеше заедно со Американскиот национален здравствен институт, а според истражувањето спроведено минатиот викенд, ефикасноста би можела да биде повисока од 94 отсто.
Имано, примарната анализа на ефикасноста опфатила 196 учесници со потврдени случаи на ковид-19, од кои 30 случаи биле сериозни. Ефикасноста на вакцината против ковид-19 изнесувала 94,1 отсто, а ефикасноста на вакцината против сериозните случаи на вирусот била 100 отсто, се наведува во заклучоците на анализата што ја објави Модерна.
Порачаа дека до денес не се утврдени сериозни загрижености околу здравјето и безбедноста на учесниците на тестирањето.
„Оваа позитивна примарна анализа ја покажува способноста на нашата вакцина да ја спречи болеста ковид-19 со ефикасност од 94,1 отсто и, што е најважно, способност за превенција на тешка состојба со ковид-19. Веруваме дека нашата вакцина ќе пружи нова и силна алатка која може да го смени текот на оваа пандемија и да помогне во превенција на тешки болести, хоспитализација и смрт“, кажа извршниот директор на Модерна Стефан Бансел.
Компанијата ќе побара од ФДА да ја прегледа проширената низа податоци кои покажуваат дека вакцината е ефикасна во превенцијата на ковид-19 и 100 отсто ефикасна во превенцијата на тешки случаи на болеста.
„Ова е вџашувачко“, вели за Си-ен-ен доктор Пол Офит, член на советодавниот одбор на ФДА за вакцини. „Ова се чудесни податоци“.
Главниот лекар на Модерна кажа дека станал емотивен кога ги видел податоците во саботата вечерта.
„Беше тоа првпат да си дозволам да заплачам“, кажа доктор Тал Закс. „Имаме големи очекувања дека ова ќе го промени текот на пандемијата“.
Модерна денес планира да поднесе и барање за условно одобрување за ставање на вакцината на пазарот до Европската агенција за лекови (ЕМА). Модерна планира и од Светската здравствена организација (СЗО) да побара претквалификација и/или ставање на листата за употреба во итни ситуации.
Модерна ќе стане втората компанија која ќе се пријави во ФДА за одобрување на итни употреби на вакцина против коронавирусот. Фајзер се пријави на 20 ноември со податоци кои покажуваат слично висока ефикасност.
ФДА ќе се состане со својот советодавен одбор во декември за да ги разгледа пријавите на Фајзер и Модерна.
Се очекува првите вакцинирања во Соединетите Американски Држави да почна во втората половина од декември, како што најави главниот американски епидемиолог Ентони Фаучи.
