Министрите на ЕУ постигнаа договор за намалување на потрошувачката на електрична енергија

Производителите на нуклеарна и обновлива електрична енергија, како и оние кои користат јаглен и имаат корист од сегашните високи цени, ќе бидат ограничени на 180 евра за мегават час.

Фото: ЕПА

Министрите за енергетика на Европската унија договорија пакет мерки за помош во енергетската криза и постигнаа договор за намалување на потрошувачката на електрична енергија за пет проценти во периодот од денот кога се троши најмногу.

Одлуката е донесена врз основа на предлогот на Европската комисија.

Тие прифатија и општо намалување на потрошувачката на електрична енергија од десет проценти, што е на доброволна основа, пренесува Танјуг.

Министрите на ЕУ, исто така, се согласија да го прераспределат вишокот приход од енергетскиот сектор на крајните потрошувачи.

Одлуката за намалување на потрошувачката на електрична енергија е обврска што треба да се реализира преку управувањето со побарувачката на електрична енергија.

Големите потрошувачи кои ќе го прифатат ова ќе добијат субвенции и треба да ја ограничат побарувачката во моменти кога цените се премногу високи.

Чешкиот министер за индустрија и трговија, Јозеф Сикела, кој ја водеше средбата изјави дека постигнатиот договор ќе донесе олеснување за граѓаните и бизнисите со намалување на побарувачката на електрична енергија, како и дека земјите-членки ќе го прераспределат вишокот приход од енергетскиот сектор на оние кои се борат да си ги платат сметките.

Министрите потврдија и два механизми за прибирање на вишокот профит на енергетските компании.

Производителите на нуклеарна и обновлива електрична енергија, како и оние кои користат јаглен и имаат корист од сегашните високи цени, ќе имаат ограничена цена на 180 евра за мегават час.

Како што е објаснето, приходите што го надминуваат овој плафон ќе се сметаат за вишок профит, а земјите-членки можат да ги прераспределат овие приходи на крајните потрошувачи, домаќинствата и деловните субјекти кои се соочуваат со огромни сметки за енергија.

Земјите-членки, исто така, се согласија да утврдат задолжителен привремен солидарен придонес за приходите на компаниите активни во секторите на сурова нафта, природниот гас, јагленот и рафинеријата.

Овој придонес ќе се применува за приход што надминува 120 проценти од просечната добивка за последните четири фискални години.

Овој придонес мора да изнесува најмалку 33 проценти, а собраните пари да се насочат за поддршка на мерките за најранливите крајни потрошувачи.

Министрите разговарале и за ограничување на цените на бензинот, што го побарале 15 земји-членки.

Легенда под Главна слика

Фото: ЕПА

Самата идеја на странските директни инвестиции е да донесе нови вработувања со повисоки плати кои треба да ги исплаќа странскиот инвеститор.

повеќе

Треба да се размисли за тоа дека сите предлози и промени кои доаѓаат од Брисел, не можат ефикасно да се применат и во Македонија и да се дејствува во правец на благосостојба на граѓаните, а не само на профитите.

повеќе

Предложеното законско решение се фокусира на аудиовизуелниот/радиодифузниот сектор, игнорирајќи ги последниве две децении на развој на дигиталниот домен и на интернет, со сите негови позитивни и негативни страни.

повеќе