Медиуми: Милановиќ го негирал геноцидот во Сребреница пред шефовите на балканските држави

Белградски Данас објави дека хрватскиот претседател Зоран Милановиќ за време на работниот ручек во Словенија, во рамки на процесот Брдо-Бриони, кажал дека во Сребреница не се случил геноцид.

EPA-EFE

Босански Кликс тврди дека има потврда од дипломатски извори дека Милановиќ го негирал геноцидот во Сребреница пред шефовите на државите од Западниот Балкан.

Кликс пишува дека по изјавата на Милановиќ на присутните им се обратил претседавачот на Претседателството на БиХ Шефик Џаферовиќ, кој го предупредил хрватскиот претседател дека станува збор за негирање геноцид и дека за тоа постојат докази во судот во Хаг.

Изјавата на Милановиќ наводно ја критикувале и други претседатели. Биле присутни црногорскиот претседател Мило Ѓукановиќ, албанскиот претседател Бајрам Бегај и претседателот на Македонија Стево Пендаровски. Српскиот претседател Александар Вучиќ не бил присутен на работниот ручек.

Наводно во одбрана на Милановиќ застанал српскиот член на претседателството на БиХ Милорад Додик, кој се обидел да го оправда ставот на хрватскиот претседател.

Бошњачките политичари, верските организации и невладини организации му се нафрлија денес на хрватскиот претседател Милановиќ поради наводната изјава дека во Сребреница немало геноцид, по што реагираше неговиот кабинет.

„Тоа е лага, а лаги не коментираме“, соопшти кабинетот на хрватскиот претседател за наводната изјава на Милановиќ.

Исламската заедница во БиХ наведе дека негирањето геноцид е навреда за жртвите, а пред сè за мајките на Сребреница, и претставува поддршка за „извршителите и политиките кои таа идеологија и денес ја слават“.

Потпретседателот на Претставничкиот дом на Парламентарното собрание на БиХ Денис Звиздиќ го нарече Милановиќ „политички Франкенштајн, лицемер и лице со ниски морални и човечки квалитети чие кочијашко политичко дејствување се случува во триаголник на макијавелизмот, боснофобијата и исламофобијата.

Милановиќ по ваквата ултранационалистичка и нихилистичка изјава едноставно треба да се презре, институционално и лично. И Трајно“, порача Звиздиќ во соопштението.

Легенда под Главна слика

EPA-EFE

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе