Мадуро прими вакцина Спутник V и рече: „Спасиба“

Претседателот на Венецуела, Николас Мадуро, ја прими руската вакцина „Спутник V“ против коронавирусот. Првата група руски вакцини пристигнаа во Венецуела кон средината на февруари, а тогаш Мадуро им се заблагодари на рускиот претседател Владимир Путин и на руската влада.

Фото: ЕПА

„Како што му ветив на народот, тоа и го направив. Мојата прва доза, се вакцинирав“, рече тој.

Потоа додаде на руски јазик: „Спасиба“ (благодарам).

Медиумите јавуваат и дека и сопругата на претседателот, Силија Флорес, исто така примила руската вакцина, а вакцинацијата беше пренесувана во живо преку твитер-профилот на Мадуро.

#EnVideo 📹 | Presidente Nicolás Maduro se aplica la primera dosis de Sputnik-V contra la COVID-19#EscudoBolivariano2021 https://t.co/I7cZihefov
— VTV CANAL 8 (@VTVcanal8) March 6, 2021

Инаку, првата група руски вакцини пристигнаа во Венецуела кон средината на февруари, кога Мадуро исто така им се заблагодари на рускиот претседател Владимир Путин и на руската влада за испораката на „Спутник V“.