Лукашенко ја обвини Украина: „На границата се постојани провокации “

Претседателот на Белорусија Александар Лукашенко ја обвини соседна Украина дека испратила 15.000 војници во граничната област за да изгради одбрана и да изврши извидувања, акции што тој ги нарече „провокации".

Фото: ЕПА

Лукашенко му дозволи на својот близок сојузник Русија во февруари да ја искористи белоруската територија за да ја нападне Украина. Но, тој рече дека Белорусија не е страна во конфликтот и дека нејзините сили не се вклучени.

Во изјавата што ја пренесе државната агенција БелТА, Лукашенко рече дека украинските војници распоредени на границата ги блокирале патиштата и поставиле контролни пунктови и стрелачки позиции.

„Со еден збор, не само што се подигнати барикади, туку изграден е и ѕид. Постојано се врши оптичко, радио-електронско и радиотехничко извидување на нашата територија, војска и објекти“, рече Лукашенко, пренесе Ројтерс.

„Често ја нарушуваат линијата на државната граница со своите дронови. А притоа се загрижени и загрижении: Ах, не дозволувајте Белорусија да влезе во војна. И има постојани провокации на границата“.

Украинските власти не одговорија веднаш на барањето за коментар.

Лукашенко рече дека неговата земја била вклучена во конфликтот само за да го спречи неговото ширење во Белорусија и „да спречи напад врз Белорусија под превезот на специјална воена операција од Полска, Литванија и Латвија“.

„Како што реков, никој нема да им пука во грб на Русите од територијата на Белорусија“, нагласи тој.

Сите три западни соседи на Белорусија се дел од трансатлантската алијанса на НАТО, која ѝ помага на Украина да се одбрани од Русија со оружје и разузнавачки информации, но вели дека нема директно да учествува во конфликтот.

Легенда под Главна слика

Фото: ЕПА

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе

Ракот на корупцијата и понатаму е ендемичен, а актуелната власт сè повеќе потпаѓа под лошите навики на претходниот режим на Никола Груевски.

повеќе