„Кремљ има напад на паника“: руската полиција уапси 5 соработници на Навални

Руските власти ги засилија активностите против затворениот критичар на Кремљ, 44-годишниот Алексеј Навални, со апсење на пет негови соработници и предупредување на социјалните мрежи и до независните медиуми да не емитуваат информации за протестите најавени низ целата земја викендов.

Фото: ЕПА

Меѓу уапсените се Љубов Собол, адвокат и сојузник на Навални, Владлен Лос, адвокат на Фондацијата за борба против корупцијата, Анастасија Панченко, координаторка на организацијата на Навални во јужниот Краснодарски регион, Георгије Албуров, вработен во споменатата фондација и портпаролката на Навални, Кира Јармиш.

Доцна во четвртокот вечерта Собол излегла од полициската станица во Москва каде што била од утрото.

„Кремљ има напад на паника. Тие наредуваат сите да бидат приведени“, изјави Собол за телевизиска програма на Радио Слободна Европа на руски јазик, пред полициската станица, опишувајќи го однесувањето на владата како „апсолутно беззаконие“.

Неколкумина притворени имаат закажано рочиште денеска, вклучувајќи ги Јармиш и Собол. Лос, кој е белоруски државјанин, на Твитер напиша дека е накратко приведен и информиран дека треба да ја напушти Русија до 25 јануари.

Полициската акција се случува два дена пред планираните демонстрации во неколку десетици градови в сабота, 23 јануари, како поддршка на Навални по неговото затворање минатиот викенд по враќањето во Русија од Германија, каде што од август се лекуваше од скоро фатално труење со нервен агенс.

На Навални, најистакнатиот критичар на рускиот претседател Владимир Путин, од 18 јануари му беше одреден притвор во траење од еден месец на скратеното рочиште во полициска станица во Москва ден по неговото пристигнување од Германија.

Легенда под Главна слика

Фото: ЕПА

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе