Кремљ го поздрави предлогот на САД да се продолжи нуклеарниот договор

Кремљ денес го поздрави предлогот на американскиот претседател Џо Бајден за петгодишно продолжување на важењето на единствениот преостанат договор на Русија и САД за контрола на нуклеарното вооружување, кој истекува за помалку од две недели.

EPA-EFE

Пактот за намалување на стратегиското оружје, познат како Нов СТАРТ, истекува на 5 февруари.

Портпаролот на рускиот претседател Владимир Путин, Дмитриј Песков, кажа дека Русија се залага за продолжување на договорот и дека чека да ги види деталите на американскиот предлог.

Белата куќа синоќа соопшти дека Бајден ѝ предложил на Русија петгодишно продолжување на договорот Нов СТАРТ.

Според договорот, кој во 2010 го потпишаа тогашните претседатели на САД и Русија Барак Обама и Дмитриј Медведев, двете сили смеат да имаат најмногу 1.550 разместени нуклеарни боеви глави и 700 разместени ракети и бомбардери.

Новиот СТАРТ е единствениот преостанат американско-руски договор за контрола на нуклеарното вооружување откако двете сили, прво САД па Русија, се повлекоа од Договорот за нуклеарните сили со краток и среден дострел, познат како ИНФ, потпишан во 1987 година.

Се смета дека истекувањето на важноста на договорот би бил удар за глобалната безбедност.

Легенда под Главна слика

EPA-EFE

Да бидеме реални: регионот на многу начини сè уште е претежно (погрешно) разбран и (погрешно) третиран и меѓународно се нарекува „бурето барут на Европа“.

повеќе

Јане бил свесен дека деновите му се одброени и отворено говорел за тоа. Знаел дека многумина имаат причина да го ликвидираат, дека им пречи во остварувањето на нивните „повисоки цели“.

повеќе

Во македонскиот интернет простор постојано се појавуваат и гаснат портали, со што засекогаш исчезнуваат и објавените содржини.

повеќе