По државниот погреб во Вестминистерската опатија и минувањето на краличиниот ковчег на кочија низ Лондон, погребната поворка пристигна до замокот Виндзор.
Високи членови на кралското семејство таму ѝ се приклучија на поворката додека државната погребна кола се приближуваше до капелата Сент Џорџ.
Кралот Чарлс III, принцезата Ана, принцовите Ендрју и Едвард, како и принцовите Вилијам и Хари, чекореа зад погребната кола.
Кај капелата Сент Џорџ ја пречекаа нејзините сакани корги,
Муик и Сенди.
Тие се последните две корги што ги поседуваше кралицата, а сега ќе им бидат дадени на грижа на принцот Ендрју и неговата поранешна сопруга Сара Фергусон.
Во моментов се одржува опело во капелата Свети Џорџ.
Последното почивалиште на Елизабета Втора
Капелата Сент Џорџ, е местото каде што настаните на денот ќе завршат.
Вечерва кралицата ќе биде погребена покрај нејзиниот покоен сопруг, војводата од Единбург.
Таа ќе биде погребена во кралскиот свод на меморијалната капела на кралот Џорџ Шести - дел од капелата Сент Џорџ.
На погребот ќе присуствува само кралското семејство, но пред тоа се одржува опело - на кое присуствуваат околу 800 гости и го води деканот на Виндзор.
