Кина остро ги осуди западните политичари и медиуми загрижени за демократијата на Хонг Конг

Канцеларијата на кинескиот Државен совет за Хонг Конг и Макао ги критикуваше американските и западните политичари и медиуми кои изразија загриженост за демократијата по изборите во Хонг Конг, пренесе денес Кинеската медиумска група (ЦМГ).

EPA-EFE

Министрите за надворешни работи на САД, Британија, Австралија, Канада и Нов Зеланд издадоа минатата недела заедничко соопштение во кое изразија „сериозна загриженост поради ерозијата на демократските елементи“ по изборите во Хонг Конг, а одделни медиуми известија дека Кина ги отфрлила повеќето градски продемократски кандидати, наведува ЦМГ.

Портпаролот на Канцеларијата вчера во соопштение ги отфрли забелешките за демократијата, законот за национална безбедност и новиот изборен систем во Хонг Конг.

„Тврдењето дека Британија обезбедила општо право на глас за Хонг Конг е целосно неточно, а во Заедничката кинеско-британска декларација не е спомнато „општото право на глас“ или „демократијата““, истакна портпаролот додавајќи дека не се точни тврдењата на „некои странски политичари и медиуми дека тие антикинески сили се борат за демократија и дека кинеската влада се пресметала со нив во политички цели“.

Портпаролот исто така ги отфрли тврдењата дека новиот изборен систем во Хонг Конг треба да ги исклучи дисидентите, и како пример ја наведе различноста на кандидатите на неодамнешните избори.

Тој ги посоветува политичарите и медиумите во САД и на Западот да ја прочитаат Белата книга која неодамна ја објави Канцеларијата за информирање на Државниот совет и која, како што наведе, претставува сеопфатен преглед на создавањето и развојот на демократијата во Хонг Конг и принципите и ставот на кинеската централна влада.

Легенда под Главна слика

EPA-EFE

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе