Карпентер: Целта на Русија е да ги ослабне ЕУ и НАТО во регионот

Мајкл Карпентер, советникот за надворешна политика на поранешниот потпретседател на САД Џо Бајден, изјави дека главната цел на Русија е да го ослабне влијанието на ЕУ и НАТО во регионот.

„Русија има силно влијание во Република Српска и Србија, со кои има силни културни врски. Хуманитарниот центар во Ниш е јасен пример за обидите на Русија да го прошири своето влијание во регионот. Сепак верувам дека улогата на Русија на Балканот не е од воена природа, туку само да го нарушува влијанието на ЕУ и НАТО во регионот“, вели Карпентер за порталот Европски Западен Балкан.

Карпентер, кој во Будва учествуваше на форумот 2БС, проценува дека Русија, за остварувањето на своите цели, често се користи со дезинформации.

За односот на САД кон регионот

Тој рече дека не може со сигурност да каже што ќе се случи со американската политика кон Балканот, по промената администрацијата во Вашингтон.

„Мојот впечаток, барем врз основа на претседателската кампања, е дека нема да оди во прилог на регионот. Сите знаеме дека во кампањата најмногу се зборуваше за повлекување на САД од меѓународната сцена и насочување кон решавање на проблемите во самите САД. Во моментов, како и во изминатите неколку месеци не видовме дека официјален Вашингтон обрна внимание на овој регион“, вели Карпентер.

Од друга страна, додава тој, постојат луѓе кои и понатаму ја разбираат важноста на овој регион и кои сакаат тука САД и понатаму да игра значајна улога „како сенаторот Џон Мекејн и заменик помошникот на државниот секретар за европски и евроазиски прашања на американскиот Стејт департмент Хојт Џи, кои неодамна беа во посета на регионот“, вели Карпентер.

Постојат кафе барови каде стои натпис дека немаат интернет па препорачуваат луѓето да си прават муабет како порано. 

повеќе

Заев рече дека не му се допаѓа како соседните земји реагирале на кризата во Македонија и власта во Србија ја нарече „националистичкото раководство на Вучиќ“, па во Белград предизвика епидемија од паѓања во несвест од изненаденост и навреденост. Хм, во што е точно проблемот?

повеќе

Луѓето се лутат што бизнисмените не реагирале или недоволно критикувале за лошите владини потези во минатото. Од нивна перспектива - веројатно со право.

повеќе