Прва од земјите од Г7

Канада ќе го продава запленетиот руски имот и со тие пари ќе ѝ помага на Украина

Канада сака да стане првата земја од Г7 која ќе го продава рускиот имот и со тие пари ќе ја финансира помошта на Украина, а во средата најави и нови санкции.

EPA-EFE

„Бараме можност не само да го заплениме, туку и да одобриме конфискување на имотот на санкционираните поединци и правни лица и со тоа да ги обештетиме (украинските) жртви“, кажа канадската министерка за надворешни работи Мелани Жоли.

Премиерот Џастин Трудо им кажа на новинарите дека Канада бара „начини и понатаму да казнува“ со одземање на имотите на оние кои се санкционирани.

Од почетокот на руската инвазија на Украина на 24 февруари, Канада воведе санкции за „над 1.100 луѓе и правни лица“ кои се наводни соучесници на власта на претседателот на Русија Владимир Путин. Дел од тие санкции се преземени во координација со другите западни земји.

„Ние сме првата земја од Г7 која го понуди новиот механизам (продажба на запленетиот имот) бидејќи веруваме дека тоа ќе функционира“, им објасни министерката на новинарите и додаде дека нема „јасни проценки“ за тоа колкави суми би можеле да бидат собрани со овој нов механизам.

Жоли сепак прецизираше дека „имотот на руските олигарси во Канада е значителен“.

Покрај новиот указ за тоа донесен во парламентот во вторникот, Канада најави и нови санкции, овој пат против „11 високи функционери и 192 члена на народните совети на таканаречените народни републики Луганск и Доњецк“.

„Канада нема со скрстени раце да гледа како претседателот Путин и неговите соучесници неказнето се обидуваат да ги прекројуваат границите на Украина“, додаде шефицата на канадската дипломатија со желба „Украина да победи“.

Отава минатата недела тргна по стапките на други западни земји санкционирајќи ги двете ќерки на Путин, како и жената и ќерката на шефот на руската дипломатија Сергеј Лавров.

Канада сака повторно да ја отвори својата амбасада во Украина, која беше затворена на 12 февруари поради ескалацијата на тензиите пред Русија да ја нападне Украина. Канадските дипломати избегаа во Полска.

Легенда под Главна слика

EPA-EFE

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе