Кадиров лут на Русите што не сакаат да војуваат: „Немаат право да се нарекуваат мажи“

Чеченскиот лидер Рамзан Кадиров повторно ги нападна Русите кои не сакаат да војуваат во Украина преку апликацијата Телеграм.

„Дали имаат право да се нарекуваат мажи? Не! Дали имаат чест? Не! Дали имаат чувство за достоинство? Не! Дали имаат некакви морални вредности? Не!“, напиша тој.

Тој додаде дека е особено изненаден од „некои мажи на Кавказ“.

„Луѓе, мислите дека бегате од смртта?“, пишува понатаму Кадиров и додава дека смртта за татковината треба да биде посебна чест.

„Конечно разберете дека со помош на фашистите кои делуваат во Украина, тие сакаат да ја уништат нашата земја. А тоа значи дека нашата Мајка татковина е во опасност. Десетици милиони Руси немаат поим колку пати нашата земја била загрозена во последните 20 години. И само благодарение на јасната и компетентна политика на рускиот претседател Владимир Путин не успеаја“, порача чеченскиот лидер преку Телеграм.

Тој додава дека дури и ако проруските сили ги напуштат сите региони, вклучувајќи го и Крим, Западот ќе продолжи да врши притисок врз Русија.

„Ви давам збор, ако ние не ги браниме нашите интереси, тоа ќе заврши лошо за сите Руси. Ќе ги изгубиме и суверенитетот и независноста на Русија, а непријателите ќе дојдат во сите наши домови. Одлучете сами за себе, а ние, Чеченците, ќе ја браниме нашата држава и ќе ја исполниме наредбата на претседателот на државата“, рече Кадиров.

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе