Јапонската владејачка партија: Сакаме повеќе жени на состаноците, но мора да молчат

После сексистичките изјави дека жените на состаноците премногу зборуваат, што доведе до оставка на шефот на Олимписките игри во Токио, јапонската владејачка партија објави дека сака жени на клучните состаноци - но само доколку не зборуваат.

EPA-EFE/YOSHIKAZU TSUNO

Владејачката Либерално-демократска партија предложи нов план што им овозможува на пет пратенички да се приклучат на клучните партиски состаноци како набљудувачи.

Тошихиро Никаи, 82-годишен генерален секретар на партијата, вчера изјави дека слушнал критики дека на врвот на партијата доминираат мажи, но додаде дека членовите биле избрани. Но, важно е женските членови на партијата да го „гледаат“ процесот на одлучување на партијата, рече тој.

Овие набљудувачи не можат да зборуваат за време на состаноците, но можат одделно да доставуваат мислења до канцеларијата на секретаријатот, објави весникот Никеи.

Јоширо Мори, шеф на олимпискиот комитет за Токио 2020 година, минатата недела поднесе оставка по погрдни коментари дека жените премногу зборуваат. Зборовите на 83-годишниот Мори, која исто така е поранешен премиер, се еден од примерите за тоа колку длабоко е вкоренет сексизмот во јапонското општество, пренесува Ројтерс.

Јапонија е на 121 место од 153 земји според индексот на глобални разлики во половите за 2020 година на Светскиот економски форум.

Легенда под Главна слика

EPA-EFE/YOSHIKAZU TSUNO

Јане бил свесен дека деновите му се одброени и отворено говорел за тоа. Знаел дека многумина имаат причина да го ликвидираат, дека им пречи во остварувањето на нивните „повисоки цели“.

повеќе

Во македонскиот интернет простор постојано се појавуваат и гаснат портали, со што засекогаш исчезнуваат и објавените содржини.

повеќе

Пред неколку недели се наврши една година од почетокот на пандемијата. Ковид-19 ги разоткри системските проблеми во здравствениот систем и другите институционални гранки на Косово.

повеќе