Илон Маск го пофали Медведев на Твитер

Основачот на Спејсекс и најбогат човек на светот Илон Маск, кој им помогна на Украинците со активирање на сателитскиот систем Старлинк кој им овозможи пристап до интернет, па Украинците потоа му се налутија поради неговиот мировен предлог со Русија, се впушти во размена на пораки на Твитер со Дмитриј Медведев, поранешниот претседател на Русија.

EPA-EFE

Медведев вчера на Твитер објави: „Збогум Лиз Трас, ѝ честитам на салатата“, алудирајќи на вчерашната оставка на британската премиерка Лиз Трас, чие владеење во Британија го споредија со траењето на главица зелена салата.

На тоа Маск му напиша: „Прилично добро тролање, да бидам искрен“.

Потоа го праша Медведев „како оди во Бахмут“, еден од украинските градови каде што руските трупи напредуваат.

Медведев му одговори: „Се гледаме на Денот на победата во Москва“.