Харадинај: Ако сите Албанци добијат државјанство, Албанија ќе има над 10 милиони луѓе

Поранешниот косовски премиер Рамуш Харадинај изјави дека треба да се направи пакт меѓу Косово и Албанија во областа на безбедноста за меѓусебна воена заштита.

EPA-EFE

Во интервју за албанската телевизија, претседателот на Алијанса за иднина на Косово кажа дека Косово и Албанија треба да напредуваат во примената на потпишаните договори и да имаат заеднички цели. Се осврна на последниот состанок на албанската и косовската влада, како и на потпишаните договори.

„Важно е да се обединат сите економски, даночни и административни политики кои би овозможиле интеграција на пазарите и нашите економии, а сметам дека е потребно да се реализираат повеќе инфраструктурни проекти. Мораме да напредуваме и во областа на безбедноста, односно пактот за меѓусебна воена заштита, како во случајот со земјотресот во Албанија кога Косово на време ги испрати своите трупи. Лошо е што имаме доста бирократија, па ни е потребен пакт меѓу двете земји за интервенцијата да се случи автоматски ако едната или другата држава е загрозена во која било форма“, порача тој.

Истакна дека е во интерес на Албанија да им овозможи државјанство на сите Албанци бидејќи така би го зголемила бројот на учесници на пазарот и во економијата.

„Ако сите Албанци добијат државјанство, тогаш ќе има повеќе од 10 милиони луѓе поврзани со Албанија кои ќе го дадат својот придонес во даноците, придонесите па дури и со посетите. Така моќта на албанската држава ќе се зголеми на економски и безбедносен план, и во други области“, кажа Харадинај.

Легенда под Главна слика

EPA-EFE

Продолжува активноста на копачите, крановите и мешалките за цемент додека самите Албанци се протерувани од градот. 

повеќе

После речиси две години очигледно е дека менталното здравје на вработените е исто важно како и нивното физичко здравје. Сега повеќе од било кога, неопходен е силно развиен систем за управување со човечки ресурси.

повеќе

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе