Хаос во Холандија: „Корона хулиганите“ палат сè пред себе (ВИДЕО)

Холандската полиција употреби вчера водени топови за да разбие протест на противниците на рестриктивните мерки поради коронавирусот во центарот на Амстердам и приведе повеќе од сто лица поради фрлање камења и употреба да пиротехнички средства. Властите ги нарекоа демонстрантите „корона хулигани“.

EPA-EFE

Протестот беше одржан откако владата воведе ноќен полициски час, за првпат од Втората светска војна.

Меѓу демонстрантите имаше и сопственици на ресторани кои се противат на затворањето, јавува Ројтерс.

Ziekenhuis in #Enschede aangevallen!
Niet te geloven!! pic.twitter.com/1Iik3tjpMV
— Peter de Langen (@PeterLangenAfrt) January 24, 2021

Протест беше одржан и во саботата вечерта, кога беа уапсени 25 лица низ земјата и напишани 3.600 казни за кршење на полицискиот час.

Полицијата во Ајндховен користеше водени топови и солзавец против стотиците демонстранти и предупредуваше преку разгласи да се избегнува центарот на градот.

Во саботата вечерта, за време на првата ноќ на полицискиот час, демонстранти во холандското село Урк запалија лабораторија за тестирање на коронавирусот и фрлаа пиротехнички средства.