Хакери со сите сили ги напаѓаат руските сајтови, вакви напади досега не се забележани

Веб-страницата на руската влада се соочува со невидени сајбер-напади, а се прават технички напори за филтрирање на странскиот веб-сообраќај, се вели во денешното соопштение на руското министерство за дигитални технологии.

Фото: ЕПА

„Страниците на руските министерства, агенции и државни компании беа цел на хакери поради настаните во Украина, а веб-страниците на Кремљ, водечкиот превозник Аерофлот и главниот заемодавач Сбербанк се меѓу оние кои имале прекини или привремени проблеми со пристапот во последните недели“, соопшти руското министерство, наведувајќи дека работи на прилагодба на овие нови услови, со сè поголеми и посилни сајбер-напади.

„Ако порано нивната моќност во моменти на најголемо оптоварување достигнуваше 500 гигабајти, сега е на 1 терабајт“, велат во министерството. „Тоа е два до три пати посилно од најсериозните инциденти од ваков вид што претходно биле пријавени“, велат тие.

Бидејќи Русија станува се поизолирана од глобалните финансиски системи и синџири на снабдување, руската влада предложи низа мерки за поддршка на ИТ секторот. Технолошките компании ќе имаат повластени даноци и повластени услови за заеми.

Повикувајќи се на нацрт документи на руската влада, Интерфакс доцна синоќа објави дека руското министерство предложило издвојување на 14 милијарди рубљи за поддршка на ИТ компаниите во форма на грантови.

Ројтерс пишува дека не можел веднаш да го потврди извештајот.

Легенда под Главна слика

Фото: ЕПА

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе