Гринпис: Треба да се забранат летовите доколку постои алтернатива за патување со воз пократко од 6 часа

Третина од најчестите летови во Европската унија може да се заменат со возење со воз пократко од шест часа, а забраната на таквите летови ќе заштеди 3,5 милиони тони јаглерод диоксид, објави во средата Гринпис.

Фото: ЕПА

Организацијата за заштита на животната средина во објавената студија повикува на „радикална промена на начинот на патување“.

Потребно е да се намали воздушниот сообраќај за да се ограничи глобалното затоплување на 1,5 степен Целзиусов, соопшти невладината организација, повикувајќи на „подобрување и зајакнување на железничкиот транспорт“.

Летовите пократки од 1.500 километри сочинуваат четвртина од емисиите на европскиот воздушен сектор, наведува Гринпис во студијата изработена од тинк-тенк ОБЦ Трансјуроп.

Од 150 летови на кратки релации кои најчесто се користат во Европската унија (со исклучок на летовите до островите), 51 имаат железничка алтернатива, или 34 отсто, а патувањето со воз трае помалку од шест часа.

Трите линии кои најмногу се користат во Европската Унија се Париз-Тулуз, Париз-Ница и Атина-Солун.

Во студијата не е наведен процентот на патници кои летаат на овие линии.

Во извештајот се наведува дека 21 авиокомпанија веќе имаат железничка алтернатива пократка од четири часа, а меѓу нив се меѓународните линии Амстердам-Париз, Амстердам-Франкфурт, Брисел-Франкфурт и Париз-Франкфурт.

Повеќе од четвртина (27 проценти) од тие 150 најчести летови имаат алтернатива со директен ноќен воз во 2021 година, се наведува.

„Се емитира 10 пати повеќе јаглерод диоксид кога се лета со авион од Париз до Амстердам, наместо да се патува со воз, а тоа патување може да се помине за помалку од 3 часа и 30 минути“, истакна Сара Фајол, одговорна за транспортниот сектор во францускиот огранок на Гринпис.

„Намалувањето на воздушниот сообраќај е неизбежен пат за постигнување на целите од Парискиот климатски договор и укинувањето на пократките летови е првиот чекор во таа насока“, се вели во соопштението.

Одлуката на Франција да ги забрани домашните летови доколку постои алтернатива за воз пократка од 2 часа и 30 минути е „премногу ограничена“, вели Гринпис.

Во светот, воздушниот транспорт емитирал 900 милиони тони јаглерод диоксид во 2019 година, што е околу 2,5 отсто од глобалните емисии.

Гринпис признава дека „ограничувањето на кратките летови (пократките од 1.500 километри), национални и европски, не е доволно за да се постигнат целите на Парискиот климатски договор, но го сметаат за прв чекор кој не е занемарлив“.

Легенда под Главна слика

Фото: ЕПА

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе