Грција воведува задолжителна вакцинација за лица над 60 години, ќе ги казнува оние кои ќе одбијат

Грција денеска објави дека воведува задолжителна вакцинација против коронавирус за лицата постари од 60 години, што е драстичен чекор во борбата на земјата со сè поголемиот број заразени лица.

EPA-EFE/ORESTIS PANAGIOTOU

Властите најавија дека ќе наплаќаат казна од 100 евра за секое лице на возраст од 60 и повеќе години кое нема да се вакцинира, и така секој месец. Мерката ќе почне да се применува од 16 јануари. Околу 63 отсто од околу 11 милиони жители се целосно вакцинирани, а закажувањето термини за вакцинација е забрзано во изминативе недели.

„Ги насочуваме нашите напори да ги заштитиме нашите сограѓани и затоа нивната вакцинација отсега ќе биде задолжителна“, изјави грчкиот премиер Киријакос Мицотакис на владина седница.

„Грците над 60 години кои не се вакцинирани мора да закажат термин за првата доза до 16 јануари или ќе се соочат со парична казна од 100 евра секој месец“, додаде Мицотакис.

Грција се бори со пораст на заразените овој месец, при што дневниот број на нови случаи достигнува рекорди. Земјата од почетокот на пандемијата потврдила 931.183 случаи на инфекција и 18.067 мртви.

Во Грција, на невакцинираните лица од ноември им е забранет влез во затворени простори, вклучувајќи ресторани, кина, музеи и теретани. Не им се признава негативен тест за коронавирус.

Легенда под Главна слика

EPA-EFE/ORESTIS PANAGIOTOU

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе

Наместо да ги повлечат тужбите против воените инвалиди и членовите на семејствата на загинатите припадници на безбедносните сили, МВР отиде дотаму што поднесе тужби дури и против членовите на семејствата на загинатите полицајци со законска камата да ја вратат земената оштета.

повеќе