Грција почнува со издавање дигитален сертификат за вакцинираност

Грција почна да им издава дигитални сертификати за вакцинираност на сите државјани што биле вакцинирани против коронавирусот, соопшти прес-службата на грчкиот премиер, додавајќи дека пилот-сертификатот бил презентиран од Киријакос Мицотакис во вторникот вечерта.

Фото: ЕПА

Граѓаните ќе можат да добијат „пасош за вакцинираност“, кој ги содржи сите неопходни информации за идентификација. Тој има три нивоа на заштита – кју ар код, уникатен код и дигитален жиг.

„Денес почнуваме со издавање дигитални сертификати за вакцинација. Ова е уште една грчка иновација. Таа автоматски ќе се регистрира на сметката на секој граѓанин... Ова е исто така мерка на претпазливост, бидејќи е единствениот можен начин да се потврди легалната вакцинација“, рече Мицотакис.

Премиерот додаде дека Европската Унија срдечно го поздравила неговиот предлог да се воведе сертификат за вакцинација низ цела ЕУ.

„Ова не е никаква рестрикција, туку напротив, ќе ни олесни да се ослободиме од рестрикциите што сега ги наметнува ковид во патувањата на европските граѓани. Ова особено важи за нашиот туризам и перспективите на нашата економија, особено во летната сезона. Денеска и ИАТА (Интернационалната асоцијација за воздушен транспорт) се согласи на оваа иницијатива“, рече Мицотакис.

За конкретниот грчки предлог ќе се дискутира на утрешниот Самит на ЕУ, а Мицотакис изрази надеж дека ќе се постигне договор за единствен систем за сертификација.

Грција досега вакцинира 92.401 луѓе. Повеќе од 11.000 вакцини им беа дадени на граѓаните над 85-годишна возраст, а околу 6.000 во домовите за стари лица.

Легенда под Главна слика

Фото: ЕПА

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе