Грција купува 20 американски борбени авиони Ф-35

Се очекува Грција во следните денови на Соединетите Американски Држави да им испрати официјално барање за купување 20 борбени авиони Ф-35 од американската компанија Локид Мартин, најави денес министерството за одбрана на таа земја.

EPA-EFE

Грција, членка на НАТО, на одбрана троши повеќе од 2 отсто од својот бруто домашен производ. Во последните години ја интензивираше набавката на воена опрема поради обновените тензии со својот сосед, историската соперничка и сојузничка во НАТО Турција.

„Соодветниот документ е потпишан“, кажал извор од грчката влада. Испораката на млазните авиони треба да почне во 2027 или 2028 година.

И грчката државна телевизија ЕРТ јави дека нарачката е потпишана, и се очекува да биде доставена во американската амбасада во Атина оваа недела. Станува збор за првиот чекор на процесот кој се состои од повеќе фази.

Грција и Турција со децении се во судир околу низа прашања – од прелетувањата на Егејското Море, опсегот на нивните континентални појаси и поморските граници до енергетските ресурси и етнички поделениот Кипар.

Грчкиот премиер Киријакос Мицотакис го спомна купувањето на авионите Ф-35 за време на посетата на САД во мај.

Атина минатата година од Франција нарача 24 авиони „рафал“ за 2,5 милијарди евра и три морнарички фрегати со опција за четврта за околу три милијарди евра.

ЕРТ јави и дека министерството за одбрана сака да продолжи со набавката на застарените борбени авиони Ф-16.

Соединетите Американски Држави во средата, ден откако Анкара го укина ветото на членството на Финска и Шведска во НАТО, ја поддржаа потенцијалната продажба на американски борбени авиони Ф-16 на Турција, кажувајќи дека силните турски одбранбени капацитети ќе ја зајакнат одбраната на воениот пакт.

Легенда под Главна слика

EPA-EFE

Римскиот политичар и филозоф, Марк Тулиј Цицерон, во I век пред н.е. укажал дека „кога немате основа за аргумент, злоставувајте го тој што ве обвинува“.

повеќе

Со појавата не енергетската криза многу земји отстапија од зацртаните планови за намалување на емисиите на стакленички гасови.

повеќе

Работите во Македонија забегаа до тој степен што за нив мора да се пишува отворено, „револуционерно“.

повеќе