Грција ги ублажува мерките, во рестораните и баровите повторно е дозволена музика

Грција ќе ублажи дел од мерките на ограничување кои ги донесе минатиот месец поради пандемијата, па така во баровите и рестораните повторно ќе биде дозволена музика. И понатаму остануваат на сила ограничувањата поврзани со бројот на присутни на спортските настани, додека двојна маска е задолжителна во супермаркетите и јавниот превоз.

EPA-EFE

Грчките власти се одлучија на ублажување на мерките бидејќи притисокот врз болниците попушта со опаѓањето на бројот на заразените во последните недели.

Минатиот месец беа заострени епидемиолошките мерки така што баровите, ноќните клубови и рестораните работеа до полноќ, беше забрането стоење во клубовите како и пуштање музика.

„Решивме да ги ублажиме ограничувањата, имајќи го предвид текот на пандемијата во смисла на бројот на случаи кој опаѓа во последните недели“, кажа министерот за здравство Танос Плеврис.

Тој истакна дека и покрај постојаниот притисок врз здравствениот систем, стапката на приеми и отпуштања од болниците, пократкото траење и полесната болничка слика предизвикани од варијантата омикрон, во споредба со делта варијантата, им овозможила на властите да ги ублажат ограничувањата.

Легенда под Главна слика

EPA-EFE

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе