Грчките власти се надеваат дека ситуацијата со коронавирусот ќе се нормализира во мај

Грција, помалку зафатена од пандемијата на ковид-19 од некои нејзини европски партнери, се надева на „враќање на нормалата“ во мај, под услов граѓаните да продолжат строго да се придржуваат до ограничувањето на движењето.

„Ако останеме дома во април, ќе можеме во мај да уживаме во првите резултати на нашето одговорно однесување“, изјави портпаролот на грчката влада Селиос Пецас на конференција за новинарите.

Тој кажа дека се надева на „враќање на нормалата“ под услов да не се направат грешки кои би можеле да го уништат она што го создале од почетокот на пандемијата.

Во Грција денес се пријавени 20 нови случаи на зараза, што е најмал број од 12 март.

Заменик министерот за цивилна заштита и управување со кризни ситуации Никос Хардалијас предупреди дека дебатата за постапно укинување на мерките е избрзана.

„Со мерките кои претходно ги презема владата и напорите на граѓаните во нивното почитување го сопревме ширењето на вирусот“, истакна Пецас и додаде дека влегуваат во „критична фаза на борбата против пандемијата и април ќе биде тежок месец“.

Во Грција од коронавирусот досега умреа 79 лица, а заразени се 1.755, според податоците објавени синоќа.

Грчката влада на 12 март, кога беше пријавен првиот смртен случај, презема строги мерки за зауздување на пандемијата. Ги затворија училиштата, археолошките знаменитости, музеите, рестораните и хотелите, а на 22 март воведоа забрана за движење, која во саботата беше продолжена до 27 април.

Два емигрантски кампа во близина на Атина, Малакаса и Тицона, се во карантин бидејќи се откриени случаи на зараза меѓу азилантите.

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе

Го регистрираме името Јунајтед Маседонианс и тогаја сетне почнаме да прајме отворени Илинденцки пикници – македонцки илинденцки, не со Богарите. Сами ние Македонци и народо трна.

повеќе

Она она што го нудат медиумите во времето на ковид-19 покажа колку тие не се подготвени за да известуваат во време на криза, а кризите ги има сè почесто.

повеќе