Газпром оствари рекордна добивка во третиот квартал

Рускиот гасен гигант Газпром извести дека благодарение на скокот на цените го затворил третиот квартал со рекордна добивка, најавувајќи уште подобри резултати на крајот на годината.

Фото: ЕПА

Во периодот од јули до септември, Газпром забележа највисока нето добивка откако почна да објавува резултати, од 581,8 милијарди рубљи (7,8 милијарди долари), соборувајќи го рекордот од почетокот на 2019 година.

Тие го затворија третиот квартал од минатата година со загуба од 251,3 милијарди рубљи. Приходите скокнаа на исто така рекордни 2.400 милијарди рубљи, од 1.400 милијарди во истиот период минатата година.

Просечната цена на гасот на Газпром во третиот квартал била речиси три пати повисока од истиот период минатата година и изнесувала 313,14 долари за илјада кубни метри, покажува деловниот извештај.

Цените на плинот во Европа драстично пораснаа во последниве месеци бидејќи испораките тешко одржуваат чекор со наглиот пораст на побарувачката што го поттикна закрепнувањето на економијата од пандемијата на коронавирусот.

Европа е главниот пазар на Газпром, иако европските земји се обидуваат да најдат и други извори за да ја намалат зависноста од рускиот гас. Рускиот гигант очекува уште повисоки цени на гасот на крајот на годината.

„Цената на нашите испораки во Европа, се разбира, ќе биде значително повисока во четвртиот квартал, што позитивно ќе се одрази на резултатите за целата година“, се вели во соопштението на заменик генералниот директор на Газпром, Фамил Садигов.

Легенда под Главна слика

Фото: ЕПА

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе