Френсис Хауген: Ребрендирањето нема смисла, Закерберг мора да си оди (ВИДЕО)

„Свиркачката" Френсис Хауген го повика својот поранешен шеф Марк Закерберг да се повлече од функцијата извршен директор на Фејсбук, и така да овозможи промени во компанијата наместо да троши ресурси за нејзино ребрендирање.

Фото: ЕПА

„Мислам дека е малку веројатно дека компанијата ќе се промени доколку Марк Закерберг остане главен извршен директор (...) Фејсбук би бил посилен со некој што е подготвен да се фокусира на безбедноста“, рече Хауген во Лисабон на отворањето на технолошката конференција Веб самит.

Имено, неодамна во јавноста протекоа голем број интерни документи кои сведочат за практиките на Фејсбук кои се штетни за општеството и овозможуваат злоупотреба на таа платформа, кои Хауген им ги достави на медиумите, политичките институции и регулаторите.

Хауген, инженер за податоци и менаџер во мај ја напушти компанијата, а минатиот месец пред членовите на британскиот парламент и американскиот Конгрес, меѓу другото изјави дека објавувањето содржини кои поттикнуаат омраза е „најдобриот начин за раст“ на Фејсбук и дека компанијата е „без сомнеж“ свесна дека таа социјална мрежа шири омраза на интернет, користејќи алгоритамски систем кој дава приоритет на содржината што собира најмногу кликови.

Поради силните критики за деловните практики на корпорацијата, Фејсбук минатата недела објави дека го промени името на компанијата во Мета, објаснувајќи дека новото име подобро ќе го одрази она што тие го работат, во време кога се шират надвор од социјалните медиуми во области како што е виртуелната реалност (ВР), исто така заснована на концептот на „метаверзум“.

Промената не се однесува на индивидуални платформи, како што се Фејсбук, Инстаграм или Вотсап, туку само за матичната компанија чиј дел се тие.

Коментирајќи го ребрендирањето во Лисабон, Хауген тврди дека тоа нема смисла со оглед на безбедносните прашања што допрва треба да се решат.

„Фејсбук секогаш одново избира проширување и нови области наместо да го капитализира веќе постигнатото“, рече Хауген, чие обраќање честопати беше прекинувано со аплауз од собраните.

Легенда под Главна слика

Фото: ЕПА

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе

Наместо да ги повлечат тужбите против воените инвалиди и членовите на семејствата на загинатите припадници на безбедносните сили, МВР отиде дотаму што поднесе тужби дури и против членовите на семејствата на загинатите полицајци со законска камата да ја вратат земената оштета.

повеќе