Франција има нов премиер

Во најавената реконструкција на кабинетот францускиот претседател Емануел Макрон за нов премиер го именуваше денес Жан Кастекс, висок функционер задолжен за стратегија за излез на земјата од карантинот.

EPA-EFE/GONZALO FUENTES

Кастекс ќе добие мандат да формира нова влада, кратко соопшти Елисејската палата.

Тој на функцијата премиер ќе го замени Едуар Филип, кој денес се повлече од таа позиција.

Кастекс (55) потекнува од централната-десница на француската политика и две години служел како втор највисок функционер во Елисејската палата за време на претседателството на Никола Саркози.

Макрон ја реформира својата влада додека Франција се справува со најдлабоката економска депресија од Втората светска војна, остар пад што ќе ја намали економијата за околу 11% во 2020 година и ќе ги поништи тешко стекнатите придобивки од невработеноста.

Макрон се одлучи за промена, откако неговата центристичка партија оствари слаб резултат на последните локални избори и не успеа да победи во ниту еден голем град.

На изборите зголемена поддршка остварија Зелените, а се покажа дека Макрон има проблеми со привлекувањето на левите гласачи.

Најзабележителна победа е успехот на Филип во Авр, а неговата оставка му го отвора патот да стане градоначалник на северното пристаниште, од каде што може да се појави како ривал на Макрон за две години.

Макрон ризикува заменувајќи го Филип, кој е попопуларен од претседателот, велат политичките аналитичари, јави Ројтерс.

Но, задржувањето на Филип би сугерирало дека Макрон е преслаб да го напушти својот премиер и дека на неговата партија ѝ недостига длабочина за целосен ремонт на кабинетот.

Легенда под Главна слика

EPA-EFE/GONZALO FUENTES

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе

Јас, Ангела Илиевска , учесник во повеќе протестни движења низ годините наназад, со себе го носам товарот на мојата личност и идеалите кои ги застапувам низ сите тие движења.

повеќе

Германија не го негира своетo фашистичко минато, ниту дека ја окупирала Франција, па следствено, не се ни менувани ни учебниците во обете земји, ниту се бришани делови од споменични натписи.

повеќе