Стратегија за заштита од мутираните соеви на вирусот

Фајзер тестира и трета доза од вакцината против ковид-19

Фармацевтската компанија Фајзер соопшти дека почнала да тестира и трета доза од вакцината против ковид-19 во рамки на стратегијата за заштита од мутираните соеви на коронавирусот.

EPA-EFE

Здравствените власти наведоа дека првата генерација на вакцините против ковид-19 сè уште штитат против варијантите кои се појавија во различни делови од светот.

Произведувачите, пренесува Ројтерс, почнуваат да се подготвуваат за случај да се појават соеви на вирусот кои се поотпорни на вакцините.

Фајзер соопшти дека во тестирањето на третата доза ќе учествуваат 144 волонтери, за да се утврди дали дополнителната доза дадена шест до 12 месеци по првата доза ќе го зајакне системот за имунитет доволно за да се одбрани од мутиран вирус.