ЕУ пратеници: Не можеме да ги продолжиме преговорите ако Србија не ѝ воведе санкции на Русија

Втората најбројна пратеничка група во Европскиот парламент се огласи преку својот официјален профил на Твитер и го осуди потпишувањето на Планот за консултации на министерствата за надворешни работи на Србија и Русија за следните две години.

EPA-EFE

Социјалдемократите го осудија потегот на српското министерство за надворешни работи, кој во изминатите денови предизвика бројни негативни реакции, особено од бирократите од Европската Унија.

„ЕУ не може да ги продолжи пристапните преговори со Србија ако не се усогласи со санкциите на ЕУ против Русија. Тоа ќе го кажеме во претстојниот извештај на Парламентот за проширување“, наведоа европските социјалдемократи.

Тие ја пренесоа и изјавата на пратеникот на Европскиот парламент и известувач за новата стратегија за проширување на ЕУ Тонино Пицула кој кажа: „Многу е разочарувачко што ова доаѓа од земја која тежнее да се придружи на ЕУ“.

Министрите за надворешни работи на Русија Сергеј Лавров и на Србија Никола Селаковиќ потпишаа на 23 септември План на консултации на министерствата за надворешни работи на двете земји за следните две години.

Овој потег на Србија наиде на осуда од ЕУ поради тоа што и покрај војната во Украина потпишува договори со Русија и ги игнорира повиците да ѝ воведе санкции на Русија. Известувачката на Европскиот парламент за Косово Виола фон Крамон порача дека планот за соработка на Србија и Русија можеби е сигнал да се замрзнат преговорите со ЕУ.

„Ова е сериозен скандал. Среде бесната војна, министерството за надворешни работи на Република Србија потпишува план за идна соработка со рускиот агресор. Или тоа е можеби само сигнал за нас да ги замрзнеме пристапните преговори во Европската Унија, бидејќи влегувањето во ЕУ не оди преку Москва“, напиша на Твитер Фон Крамон.

Легенда под Главна слика

EPA-EFE

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе