ЕУ го усвои шестиот пакет санкции, од утре ембарго на руската нафта

Амбасадорите на земјите членки го усогласија текстот на шестиот пакет санкции против Русија, кој во сила треба да стапи утре, по објавувањето во службениот весник на ЕУ.

EPA-EFE

Дипломатски извори во Брисел наведуваат дека од текстот на шестиот пакет санкции е изоставен поглаварот на Руската православна црква патријархот Кирил, на што инсистирала Унгарија.

Шестиот пакет санкции на ЕУ против Русија опфаќа делумно ембарго на увозот на руска нафта во Унијата, исклучување на најголемата руска банка, Сбербан, од системот на трансакции СВИФТ, забрана за емитување на три руски државни медиуми во ЕУ и проширена листа на санкционирани лица на која требало да е најде и патријархот Кирил.