Единаесетте руски војници во Белгород се убиени од страна на колеги доброволци

Русија отвори кривична истрага откако вооружени лица застрелаа 11 лица на воен полигон во близина на границата со Украина, соопштија властите во неделата, додека борбите беснеат во источна и јужна Украина.

Фото: ЕПА

Руската новинска агенција РИА, повикувајќи се на Министерството за одбрана, објави дека за време на обука за користење огнено оружје двајца вооружени напаѓачи во саботата отвориле оган кон група доброволци за војната во Украина. Самите „терористи“ биле застрелани, се вели во соопштението.

Инцидентот е најновиот удар за „специјалната воена операција“ на претседателот Владимир Путин во Украина и доаѓа една недела откако експлозија го оштети мостот што го поврзува копното на Русија со Крим, полуостровот што го анектираше од Украина во 2014 година.

Руското Министерство за одбрана соопшти дека напаѓачите биле од поранешна советска република, без да наведе детали. Висок украински функционер Олексеј Арестович рече дека двајцата мажи биле од главно муслиманската, централноазиска република Таџикистан и отвориле оган врз другите по расправија за религијата.

Ројтерс не бил веднаш во можност да ги потврди коментарите на Арестович, истакнат коментатор на војната, ниту независно да ги потврди бројките на жртвите и другите детали.

„Како резултат на инцидентот на стрелиште во Белгородската област, 11 лица загинаа од прострелни рани, а уште 15 се повредени“, соопшти рускиот Истражен комитет, најавувајќи кривична истрага. Не даде други детали.

Легенда под Главна слика

Фото: ЕПА

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе