Британскиот премиер

Џонсон го спореди брегзит со војната во Украина: „Британците како Украинците инстинктивно избраа слобода“

Премиерот на Британија Борис Џонсон се најде на удар на критики бидејќи ја спореди војната во Украина со британскиот референдум за излегување од Европската Унија.

EPA-EFE

Во својот говор Џонсон истакна дека и Британците, како Украинците, инстинктивно „ја одбраа слободата“ и како пример го посочи референдумот за брегзитот од 2016 година.

Неговиот коментар наиде на критики од политичарите во Британија и Европа.

Поранешниот претседател на Европскиот совет Доналд Туск го нарече коментарот на Џонсон навредлив.

Политичар од редовите на Конзервативната партија на Џонсон истакна дека гласањето на референдумот никако не може да се спореди со ризикот од губење на животот во конфликт, додека лидерот на Либералните демократи Ед Дејви смета дека Џонсон ги навреди Украинците.