Додик: Нека е проклет секој Србин кој во парламентот на БиХ би расправал за државниот имот

Претставниците на владејачката коалиција во Република Српска испратија денес барање до сите органи во овој ентитет на Босна и Херцеговина да го спроведуваат законот за недвижен имот, кога тој ќе стапи на сила.

EPA-EFE

Српскиот член на претседателството на БиХ Милорад Додик му упати клетва на секој Србин кој би расправал за законот за државен имот во Парламентарното собрание во БиХ.

„Републичките органи и организации имаат јасни одговорности во тој поглед. Тие мора да знаат дека ние не го даваме имотот. Нека е проклет оној Србин кој некогаш ќе дојде во позиција да расправа за законот на ниво на БиХ“, кажа Додик во Бања Лука.

Според него, ако еднаш се стави имотот во законодавна надлежност на Парламентарното собрание на БиХ, кое, според него, не е надлежно, ќе биде „потпишана смртна пресуда за РС“.

Лидерот на СНСД истакна дека Република Српска ќе го спроведува законот за недвижен имот на РС, без оглед што го поништи високиот претставник Кристијан Шмит.

„Законот ќе се спроведува како што е напишан, републичките органи имаат тука свои обврски. Одлуката на Шмит нема да ја објавиме во службен весник, што значи дека нема да биде применлива во РС“, кажа Додик.

Додик кажа и дека БиХ е протекторат, што го потврдува мешањето на странците во нејзините внатрешни прашања.

„Енормно е мешањето на други земји во внатрешните прашања, пред сите на САД, Британија и Германија, во конкретни прашања кои се однесуваат на суверенитетот“, оцени тој.

„Го повикуваме народот внимателно да следи кој како се однесува во ова време. Ова не е политичка, туку егзистенцијална борба“, наведе тој.

Легенда под Главна слика

EPA-EFE

Неколку години при здрав разум сакаат да ни наметнат и да нѐ убедат дека со соседна Бугарија сме имале заедничка историја. 

повеќе

Деновиве во Комората пристигна нацрт-концептот за даночни реформи, кој треба да претставува основа за јавна расправа во наредниот период.

повеќе

Концептот е насочен кон креирање на оптимален даночен систем, кој ќе го поддржи економскиот раст, а со тоа и животниот стандард на нашите граѓани.

 

повеќе