Шефот на српската дипломатија

Дачиќ за вестите за „голема Албанија“: Тоа е главната закана за мирот на Балканот

Српскиот министер за надворешни работи Ивица Дачиќ синоќа од Европската Унија, САД и Велика Британија побара да реагираат на изјавите на албанските, косовските и политичарите на трите општини на југот на Србија за обединување со Албанија.

Дачиќ кажа дека тие ќе бидат директно одговорни доколку не реагираат на ваквите искажани ставови на албанските политичари, пренесуваат српските медиуми.

За изјавата на претседателот на општината Бујановац Јонуз Муслиу дека унијата на Албанија и Косово е „бесмислена без Прешевската долина, Медвеѓа, Бујановац и Прешево“, Дачиќ предупреди дека албанските политичари стануваат „главна закана за мирот и стабилноста на Балканот и Европа“.

„Координираните изјави на албанскиот премиер Еди Рама и косовскиот претседател Хашим Тачи за унија на Албанија и Косово, и таа на Јонус Муслиу, покажуваат дека голема Албанија е цел на сите Албанци. Денес Муслиу на тоа го додаде и Ниш, а утре ќе бидат и Скопје, Улцињ, Епир. Ќе прозборат ли ЕУ, САД и Велика Британија? Ако тоа не го направат сега, кога голема Албанија стигна до Ниш, ќе бидат директно одговорни за последиците“, истакна Дачиќ.

Тој додаде дека Албанците треба да ги „измерат своите зборови, бидејќи на меѓународната сцена повеќе ги нема нивните заштитници кои ја бомбардираа Србија за да ѝ го грабнат Косово на Србија“.

„Тоа повеќе никогаш нема да се повтори. Србија никого не провоцира, но и не се плаши од никого. За среќа, сето ова е само пуст сон. Но искуството нѐ учи колку е краток патот од соништата до кошмарот“, кажа Дачиќ.

Претседателот на Националниот совет на Албанците и претседател на општината Бујановац, Јонуз Муслиу, изјави вчера дека Тирана ја има целосната поддршка за обединување на Албанија и Косово доколку се исклучи нивната европска перспектива, вклучувајќи ја и Прешевската долина.

Тој претходно ги поддржа изјавите на албанскиот премиер Рама и косовскиот претседател Хашим Тачи за унија на Косово и Албанија.

Не верувам дека Суперкупот нема да се одржи во Скопје. Ако намерата беше таква, досега УЕФА тоа одамна ќе го стореше. 

повеќе

Помина 22 јуни во уште едно потсетување, дека пред 16 години во 4,30 часот почна битката за Арачиново во која загинаа тројца припадници на македонските полициски сили.

повеќе

И во Турција, како и во Иран и Романија народот постојано ќе го поставува истото прашање: дали средствата потрошени за глорификација на власта можеа да бидат употребени за искоренување на сиромаштијата.

повеќе