Црногорската опозиција го повлече предлогот за гласање доверба на владата

Црногорската опозиција се повлече непосредно пред почетокот на седницата за изјаснување за доверба на владата на Црна Гора, иако претходно тврдеше дека ќе имаат доволно гласови за да ја урнат владата на премиерот Здравко Кривокапиќ.

EPA-EFE

Како причина за повлекувањето ја наведоа иницијативата на владејачкиот просрпски Демократски фронт, кој во саботата најави дека ќе поднесе иницијатива за скратување на мандатот на актуелниот состав на собранието за вонредни парламентарни избори да се одржат на пролет.

Демократскиот фронт е составен дел на сегашното владејачко мнозинство, но од почетокот се противат на експертската влада на Кривокапиќ, тврдејќи дека во неа треба да бидат политичари од тој политички сојуз, а неретко поддршката на владините предлози во парламентот го условуваат со позиционирање свои членови во телата на власта.

„Сметаме дека, без одложување, треба да се почнат разговори за формирање ново парламентарно мнозинство“, се наведува во заедничкото соопштение на опозицијата, која, како што наведуваат, е уверена дека со создавање ново парламентарно мнозинство ќе бидат создадени неопходните услови за пад на владата.

„Од таа причина ја повлекуваме иницијативата за изгласување недоверба на владата на Црна Гора“, соопшти опозицијата.

Во предлогот за разрешување на владата, кој во црногорскиот парламент на крајот на ноември го доставија пратениците на Демократската партија на социјалистите, албанските национални партии, Бошњачката партија, СДП и Социјалдемократите, се наведува дека Црна Гора под оваа влада е доведена во најголемата политичка и институционална криза од воведувањето на повеќепартискиот систем. На тоа најмногу придонела ситуацијата поврзана со статусот на Српската православна црква за која тврдат дека ја контролира црногорската влада.

За уривање на владата на опозицијата ѝ требаше само еден глас од пратениците на владејачките партии, а со недели пред седницата се шпекулираше дека за „златниот глас“ се нуделе и неколку десетици милиони евра.

Во политичките кругови претходно се спомнуваше можноста за формирање малцинска влада која би ја поддржале пратениците на УРА на Дритан Абазовиќ, кои се сега дел од владејачкото мнозинство, во која не би учествувал ДПС на Мило Ѓукановиќ.

Легенда под Главна слика

EPA-EFE

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе