Се повикува на мир

Црна Гора на раб на конфликт поради устоличувањето на митрополитот на СПЦ на Цетиње (ВИДЕО)

Црногорскиот министер за внатрешни работи Сергеј Секуловиќ повика на смирување на тензиите пред утрешното устоличување на митрополитот на Српската православна црква (СПЦ) на Цетиње и протестот на црногорските националисти кои бараат обредот да се премести на некое друго место.

EPA-EFE

СПЦ најави дека верскиот чин на устоличување на митрополитот Јоаникие ќе се одржи во Цетињскиот манастир во недела. За смирување на тензиите и избегнување на судир на верниците им порачаа да не доаѓаат на Цетиње, а верскиот обред ќе се одржи исклучиво во присуство на свештениците и патријархот на СПЦ Порфирие, кој денес свечено ќе биде пречекан во Подгорица.

Црногорските националисти намерата на СПЦ да го одржи верскиот обред на устоличување токму во црногорската историска и верска престолнина Цетиње ја гледаат како провокација и омаловажување на Црногорците и во изјавите за медиумите јасно истакнуваат дека нема да дозволат тоа да се случи.

„Ништо не е вредно човечки животи, особено не поради политички разлики. Ќе направиме сè за собирите да поминат мирно, верувајте ни на збор“, напиша министерот Секуловиќ на Твитер.

Тој вчера по седницата на советот за национална безбедност изрази загриженост поради актуелните тензии и на граѓаните им порача дека црногорската полиција ќе ги чува уставните права и слободи на граѓаните.

Нешто претходно со видео-порака се обрати и црногорскиот премиер Здравко Кривокапиќ, кој ги повика сите црногорски граѓани да не наседнуваат на провокациите, истакнувајќи дека државата на сите ќе им ја гарантира безбедноста.

Кривокапиќ за предизвикување на тензиите обвини одделни, како што кажа, „политичко-криминални структури кои стравуваат од реформите во црногорското правосудство“.

„Како премиер на Црна Гора должен сум да ги предупредам сите чесни црногорски граѓани да не наседнуваат на манипулациите на оние кои за личен ќар и привилегии се спремни и родените браќа да ги турнат во конфликт“, кажа Кривокапиќ.

Нешто претходно претседателството на Демократската партија на социјалистите на Мило Ѓукановиќ повика СПЦ, ако сака мир во Црна Гора, да го премести устоличувањето на митрополитот Јоаникие од Цетињскиот манастир и тој верски чин да го одржи во некој друг храм надвор од старата црногорска престолнина.

Најавено е дека сите пратеници на ДПС ќе присуствуваат на протестите на Цетиње, а дека може да се приклучи претходно најави и самиот црногорски претседател Ѓукановиќ.

Легенда под Главна слика

EPA-EFE

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе

Неделава во Тирана за првпат 31 прехранбена и 6  дистрибутивни компании од регионов заеднички ќе настапат на саемот во организација на Коморскиот инвестициски форум кој го предводиме ние.

повеќе