КОП27: Франција и Шпанија ја забрануваат продажбата на автомобили на дизел и бензин по 2035 година

Франција и Шпанија се приклучија на иницијативата за забрана на продажба на возила со мотори на бензин и дизел по 2035 година - пет години порано од претходниот план - како дел од напорите да се забрза транзицијата кон економија со ниска потрошувачка на јаглерод.

Фото: Ансплаш

Двете земји го дадоа своето ветување на разговорите за климата (КОП27) во египетскиот град Шарм ел Шеик. Така Франција и Шпанија се најдоа во групата нови потписници на Декларацијата за возила со нулта емисија (ЗЕВД), лансирана на минатогодишната конференција во Глазгов.

Потписниците - меѓу кои се држави, локални заедници и компании - се обврзаа на 100 проценти продажба на возила со нулта емисија до 2035 година на водечките пазари и до 2040 година во светот.

Вкупниот број на потписници на декларацијата сега е 214, наспроти 130 една година порано. Во иднина, ЗЕВД ќе биде надгледуван од нова групација, Коалицијата за забрзување до нула, чија цел е да им помогне на потписниците да ги спроведат своите обврски.

Креаторите на политиката сакаат да ги намалат или елиминираат емисиите на стакленички гасови од автомобилите, камионите и другите форми на транспорт. Воздухопловството и поморскиот транспорт потешко е да се декарбонизираат, но технологијата со ниски емисии за помали возила е добро воспоставена и брзо се шири.

Податоците објавени од Блумберг покажуваат дека 2022 година ќе биде рекордна за продажба на возила со нулта емисија, а електричните возила ќе чинат 13,2 отсто од вкупната продажба во првата половина од годината.

Легенда под Главна слика

Фото: Ансплаш

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе