Бугарија со рекорден број новозаразени, воведува задолжителни маски и на отворено

Рекорден број новозаразени со ковид-19 се евидентирани во Бугарија во последните 24 часа, а од четврток носењето маски ќе биде задолжително на сите јавни отворени простори со цел да се спречи ширењето на заразата, најави министерот за здравство на таа земја.

Фото: ЕПА

Костадин Ангелов рече дека носењето маски, заедно со социјалното дистанцирање и честата дезинфекција, ќе го забават ширењето на вирусот за 30 проценти и ќе спречат преоптоварување на здравствениот систем.

„Ако луѓето строго се придржуваат до мерките, очекуваме да се намали стапката на нови зарази. Нашата главна цел е да го намалиме бројот на заразени Бугари, така што помалку луѓе да мора да одат во болници и помалку луѓе да умираат во нив“, рече тој.

Бугарија денеска има 1.024 новозаразени, најмногу од првите случаи на инфекција во март.

Земјата со седум милиони жители досега регистрира 30.527 случаи на зараза со коронавирусот, а од оваа болест таму починаа 1.008 лица.

Ангелов рече дека новата мерка, чија цел е да ги заштити и здравствените работници, ќе биде во сила до крајот на ноември.

Во изминатите 24 часа 71 здравствен работник биле позитивни на коронавирусот во Бугарија, а досега се заразени вкупно 1.622, покажуваат податоците.

Легенда под Главна слика

Фото: ЕПА

И покрај сета надеж што се роди со објавите за докажана ефикасност на неколку кандидати за вакцини за ковид-19, има долг пат пред нас што треба да се изоди за да се дојде до универзална и лесно достапна „вакцина за луѓето“. 

повеќе

Самиот Никос Коѕијас не го почитува договорот што го потпиша со Заев и Димитров. Ќе реагира ли македонското МНР на терминологијата во неговата колумна, како што вети дека секогаш ќе реагира кога се крши Договорот од Преспа? Треба. Ама не е за верување.

повеќе

За првпат 16 врвни бизнисмени од земјите на Западен Балкан, врз основа на мерливи критериуми, ќе го следат напредокот на економските реформи во регионот и ќе го известуваат Брисел.

повеќе