Бугарија 90 отсто од гасот увезуваше од Русија, сега бара помош од Грција

Бугарската влада тврди дека била спремна за прекинот на испораките на гас од Русија.

EPA-EFE

Бугарскиот премиер Кирил Петков денес им порача на Бугарите дека нема да има недостиг од гас, додавајќи дека преговара со грчката влада за да обезбеди алтернатива на рускиот гас.

Бугарија околу 90 отсто од својот гас го увезуваше од Русија, што ја прави поранлива на рускиот потег отколку Полска, на која Русите исто така денес и го прекинаа снабдувањето со природен гас.

Премиерот Петков го обвини Кремљ за „рекет и уцена“. Кажа дека веднаш почнал преговори со грчката влада. Разговорите ги потврди и грчката страна, која предвидува дека гасоводот со кој азербејџанскиот гас од грчки Комотини треба да стигнува до Стара Загора во Бугарија треба да биде отворен во јуни.

Грчката влада ѝ понудила помош на Бугарија со своите резерви на течен природен гас, доколку е потребно. Меѓутоа, новиот гас Бугарија ќе ја чини значително поскапо од рускиот.

Рускиот потег би можел да ги зголеми тензиите во бугарската влада, во која два од четирите коалициски партнери се попријателски расположени кон Русија.

Легенда под Главна слика

EPA-EFE

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе