Српската премиерка

Брнабиќ: Од сабота воведуваме ковид-пропусници

Претседателката на српската влада Ана Брнабиќ потврди дека од сабота, 23 октомври во Србија се воведуваат ковид-пропусници, истакнувајќи дека пропусниците не се единствената мерка, но дека, за жал, постоечките мерки не се почитуваат доволно.

EPA-EFE

„Иако имаме над 50 починати дневно, и многу заразени, никој не мисли дека е потребно да ги почитува мерките. Поради тоа почнуваме со заострување на мерките“, кажа таа.

Таа истакна дека вакцинацијата во Србија е и понатаму лоша.

„Гледаме дека сè повеќе млади луѓе заболуваат, имаме денес и смрт на 16-годишно момче. Апелот е – вакцинација, вакцинација, вакцинација“, истакна Брнабиќ.

Додаде дека луѓето кои работат во болниците сведочат дека 90 отсто од луѓето на интензивна нега се невакцинирани.

„Поради тоа одлуката е од сабота во 22 часот да воведеме ковид-пропусници за сите угостителски објекти во затворен простор“, потврди српската премиерка.

Таа објасни дека ковид-пропусниците не значат само дека е извршена целосна вакцинација.

„Ковид-пропусниците не се само вакцините. Тоа е и потврда за втора, односно трета доза вакцина не постара од 7 месеци. Доколку сте примиле втора доза и по 7 месеци не сте примиле трета, нема да ви биде валиден ковид-сертификатот. Негативен ПЦР тест не постар од 72 часа, негативен антигенски тест не постар од 48 часа, сертификат дека сте прележале ковид во претходните 210 дена. За странците тука е валиден ЕУ дигиталниот ковид сертификат“, објасни Брнабиќ.

„Ако имаме ваква скепса и сомнеж кон вакцините, не е проблем само ковидот. Ќе биде сè поголем проблем за општеството бидејќи ќе ни се враќаат и болестите кои се искоренети. Зборуваме генерално за вакцинацијата.

Ги молам луѓето за себе и за своите блиски да ги почитуваат важечките мерки“, кажа Брнабиќ.

Легенда под Главна слика

EPA-EFE

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе