Британија ќе ја мобилизира војската поради паничното купување гориво

Британската влада многу веројатно ќе ја мобилизира војската поради големите редови кои се создадоа на бензинските пумпи низ таа земја.

EPA-EFE

Тоа за Скај њуз го потврдил извор од владата. Според него, станува збор за мерка на претпазливост.

Околу 90 отсто од британските бензински пумпи во големите британски градови денес пресушија откако паничното купување ја продлабочи кризата со ланецот на снабдување предизвикана од недостигот на возачи на камиони, за која трговците предупредуваат дека може да ја загрози петтата најголема светска економија.

Огромниот недостиг од возачи на камиони по брегзитот во Британија предизвика хаос во ланците за снабдување во сè, од храна до гориво, и ја зголеми низата нарушувања и поскапувања пред Божиќ.

Само неколку дена откако владата на премиерот Борис Џонсон потроши милиони фунти за да спречи недостиг од храна поради скокот на цените на природниот гас и нуспроизводите на јаглеродниот диоксид, министрите во повеќе наврати побараа од луѓето да се воздржат од панично купување. Голем број бензински пумпи затворија.

Вчера десетици автомобили во редици излегуваа од бензинските пумпи низ земјата голтајќи ги резервите и присилувајќи голем број бензински пумпи едноставно да затворат. Пумпите во британските градови се или затворени или со натписи дека нема гориво, јавува Ројтерс.

„Некои наши членови известуваат дека од вчера без гориво останале 50 отсто, а според некои извештаи, дури 90 отсто“, кажа Брајан Мадерсон, претседател на Здружението на трговци со нафтени деривати. „Значи, прилично е акутно“.

Британската влада објави план за издавање привремени визи за 5.000 странски возачи на камиони. Но, бизнис лидерите предупредија дека владиниот план е краткорочно решение и дека нема да го реши акутниот недостиг од работна сила.

Легенда под Главна слика

EPA-EFE

Ние Македонците од село Гореме, општина Струмјани, го поздравуваме народот покрај Вардар (барем реката сѐ уште е таму) и се „восхитуваме" на дејствувањата на мудрите мажи на државата.

 

повеќе

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе