АКТИВИРАЈЌИ ГО ЧЛЕНОТ 50

Британија ќе го почне брегзитот на 29 март

Премиерката Тереза Меј ќе го активира членот 50 на 29 март, со што официјално ќе почне процесот на заминување на Велика Британија од Европската Унија.

Следната среда ЕУ ќе добие допис од Меј за почеток на брегзит. Со тоа ќе почне двегодишното одбројување до излегувањето од ЕУ, односно ќе почнат преговорите меѓу Лондон и Брисел.

Ако преговорите се одвиваат во согласност со распоредот, брегзитот би требало да се постигне до крајот на март 2019 година.

Даунинг стрит вели дека не постојат планови за предвремени избори, според Скај њуз.

Тим Бароу, амбасадорот на Велика Британија во ЕУ, утрово официјално ја известил канцеларијата на претседателот на Советот на ЕУ, Доналд Туск, јави британски Телеграф.

„Рековме дека тоа ќе биде до крајот на март и сметаме дека би било корисно да кажеме кога ќе се случи тоа“, рече официјалниот портпарол на премиерката.

„Ние сакаме преговорите да почнат веднаш. Очекуваме дека тоа ќе биде двегодишен процес и убедени сме дека ќе го постигнеме тоа. Значи Велика Британија ќе излезе од ЕУ на 29 март 2019 година.“

Велика Британија „очекува да добие одговор во рок од 48 часа“, додаде портпаролот.

Помина 22 јуни во уште едно потсетување, дека пред 16 години во 4,30 часот почна битката за Арачиново во која загинаа тројца припадници на македонските полициски сили.

повеќе

И во Турција, како и во Иран и Романија народот постојано ќе го поставува истото прашање: дали средствата потрошени за глорификација на власта можеа да бидат употребени за искоренување на сиромаштијата.

повеќе

Дали Борисов ќе го негира својот претходник, поранешниот премиер, генерал Рачо Петров и ќе продолжи да инсистира на заедничка историја која официјална Бугарија упорно настојува да ни ја подметне.

повеќе