Безос планира да изгради прва приватна вселенска станица

Извршниот директор и основач на компанијата Блу ориџин од Сиетл и основач на Амазон, Џеф Безос, во понеделникот објави дека планира да изгради прва приватна вселенска станица во орбитата помеѓу 2025 и 2030 година.

Фото: ЕПА

Станицата наречена Орбитал риф, Безос ја развива со неколку партнери, вклучувајќи го и Боинг, соопшти компанијата.

Орбиталн риф ќе служи како еден вид „мешовит бизнис парк“ и ќе биде наменет за различни клиенти, оние кои се заинтересирани за истражување, индустриски и меѓународни клиенти, но и за туристи.

Блу ориџин неодамна се најде на насловните страници по лансирањето во вселената на 90-годишната икона на „Ѕвездени патеки“, Вилијам Шатнер, кој за време на својот краток престој таму го промовираше вселенскиот туризам.

Најголемата вселенска станица каде што астронаутите остануваат најдолго денес е Меѓународната вселенска станица (ИСС), управувана од американската вселенска агенција НАСА со бројни партнерски агенции од целиот свет.

Од 2000 година, ИСС е постојано населена со ротирачки состав на астронаути.

И Кина во моментов работи на изградба на сопствена вселенска станица Тиангонг, а неколку други приватни компании веќе ги изнесоа плановите за комерцијални вселенски станици.

Легенда под Главна слика

Фото: ЕПА

Го потсетувам претседателот на државата дека уставниот рок за создавање на парламентарно мнозинство е 20 дена, а веќе 30 дена Владата нема парламентарно мнозинство.

повеќе

Неразрешеноста на случајот („Јавна соба“) дури после речиси две години од неговото откривање ја активира јавноста бидејќи се руши илузијата дека надлежните работат на случајот.

повеќе

На националистичките агенди во регионот им треба релативно мала искра за да се направи многу поголем пламен.

повеќе