Нагорно Карабах

Азербејџанската војска влезе во вториот од трите окрузи кои им ги предаде Ерменија (ВИДЕО)

Азербејџан соопшти дека неговите сили влегле во вториот од трите окрузи кои во рамки на договорот за кој беше завршен шестнеделниот судир околу регионот Нагорно Карабах треба да му ги предаде Ерменија.

EPA-EFE

Министерот за одбрана во Баку соопшти дека „единиците на азербејџанската војска влегоа во Калбаџар на 25 ноември“ во рамки на договорот за примирје кој месецов го потпишаа Ерменија, Азербејџан и Русија.

Сместен меѓу спорниот регион Нагорно Карабах и ерменската територија, Калбаџар првично требаше да биде предаден на 15 ноември, но рокот од хуманитарни причини го продолжи Азербејџан.

„Завршени се инженерските работи за да се обезбеди движењето на нашите единици во таа насока, по тешко проодните планински патишта кои се чистат од мини и подготвуваат за употреба“, соопшти министерството.

Ерменија се сложи на предавање на трите окрузи околу Карабах – Адхам, Калбаџар и Лачин – во рамки на договорот со кој прекина азербејџанската офанзива која зазема делови од територијата изгубена во војната во 1990-тите.

Адхам беше предаден на 20 ноември, а Лачин ќе биде предаден на 1 декември.

Во деновите пред предавањето жителите на Калбаџар спакувале што можеле, одлучни во намерата да не му остават ништо на долгогодишниот непријател.

Новинарите на агенцијата Франс прес сведочеле на тоа како локалните жители собираат електрични кабли, товарат делови од хидроцентрали во камиони, па дури сечат и дрва и ги носат со себе.

Азербејџанците кои пред речиси 30 години избегале од регионот треба да се вратат.

Битката меѓу двете поранешни советски републики околу Нагорно Карабах повторно изби на крајот на септември, поради што во планинскиот регион се разгоре конфликтот кој долго тлее.

Етнички ерменската енклава се одвои од Баку во 90-тите и прогласи независност, иако меѓународната заедница ја призна како дел од Азербејџан.

Мировниот договор беше постигнат по шест недели тешки борби во кои азербејџанската војска ги победи ерменските бунтовнички сили и се закани да стигне до главниот град на Карабах, Степанакерт.

Легенда под Главна слика

EPA-EFE

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе