Австриското МВР бара трајна забрана на усташкиот собир во Блајбург

Експертската комисија при Министерството за внатрешни работи на Австрија смета дека треба да се забрани усташката комеморација во Блајбург.

Фото: ЕПА

Комисијата дојде до заклучок дека собирањето на десничарите нема никаква врска со комеморација и дека треба трајно да се забрани.

Тие укажаа дека организаторите во минатите години не ги преземале потребните мерки за отстранување на усташките симболи меѓу учесниците.

Дури и го поттикнувале истакнувањето на усташките симболи, се наведува во извештајот на експертската група.

Величењето на фашизмот, врз основа на Државната спогодба на Австрија, треба да се забрани, додадоа експертите во комисијата.

Последната комеморација во Блајбург е одржана пред две години и таа би можела да биде и последна.

Инаку, собирањето во Блајбург го организираше Почесниот блајбуршки вод под покровителство на хрватскиот Сабор.

Виенскиот дневник „Пресе” укажува дека во искажувањето на препораката, која јасно истакнува дека собирањето во Блајбург треба трајно да се забрани, учествувале експерти на Министерството за внатрешни работи, историчари, правници и претставници на римокатоличката црква.

Австриската влада ја воспостави комисијата на експерти во 2019 година, по повеќегодишните усташки ексцеси во Блајбург.

Минатата година Народната партија на Австрија (ОВП), Социјалдемократската партија (СПО), Зелените и Неос во парламентот донесоа одлука да се направи експертска процена на собирот во Блајбург.

Актуелниот извештај ќе се најде на масата на владата со јасна препорака дека собирањето во Блајбург треба трајно да се забрани.

Легенда под Главна слика

Фото: ЕПА

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе