ЕУ набавува третина од гасот од Русија

Австралија ѝ нуди природен гас на ЕУ во екот на руско-американските тензии

Австралија за време на порастот на тензиите околу Украина понуди да обезбеди дополнителни количества течен природен гас за Европската Унија, доколку Русија реши да го прекине снабдувањето со енергенси.

EPA-EFE

Со порастот на тензиите меѓу Русија и Западот предводен од САД, сè поголеми се стравувањата дека Кремљ би можел да ги намали количествата или целосно да ги сопре испораките на гас во ЕУ, пишува Војс оф Америка.ќ

На ЕУ веќе ѝ недостига гас откако ублажувањето на ограничувањата за ковид-19 ги зголеми побарувањата за резервите кои се исцрпени.

Околу третина од потребните резерви гас ЕУ ги набавува од Русија и можеби ќе ѝ бидат потребни дополнителни количества поради стравувањата од руска агресија на Украина.

Австралија е еден од водечките светски произведувачи на течен природен гас (ЛНГ) и спремна е да го зголеми својот извоз во европските земји.

Министерот за трговија Дан Техан наведе денес во соопштение дека Австралија е „спремна да ги поддржи своите пријатели и сојузници во актуелната сложена геостратегиска атмосфера“.

Тони Вуд, директор на програмата за енергетика на Гратан институтот, австралиска истражувачка организација, кажа дека Австралија е во добра позиција да помогне.

„Австралија, САД и Катар заедно испорачуваат околу 50 отсто од светското количество со бродови испорачан природен гас, додека она што Русија го обезбедува е, очигледно, преку гасоводи“, кажа тој.

Рускиот извоз на гас во Европа главно се пумпа преку гасоводите кои минуваат низ источноевропските земји.

Москва тврди дека украинскиот систем за транспорт на гас е остарен и го обвинува својот сосед за кражба на транзитниот гас.

Западните аналитичари тврдат дека Русија би можела да ги користи тензиите околу Украина за побрзо да се стави во употреба новиот гасовод Северен тек 2 до Германија, кој ги одминува Украина и Полска.

Легенда под Главна слика

EPA-EFE

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе