Амнести интернешнал ги документирала злосторствата за време на падот на авганистанската влада

Амнести интернешнал ги документирале воените злосторства и мачењата извршени за време на крахот на меѓународно поддржаната авганистанска влада и талибанското преземање на власта, покажува извештај.

EPA-EFE

Според извештајот, сите страни – талибанците, американската војска и авганистанските безбедносни сили – се одговорни за напади кои резултирале со големо патење на цивили пред талибанците целосно да ја преземат власта.

Во извештајот се документираат мачења, вонсудски егзекуции и убиства, кои талибанците ги извршиле во последната фаза на конфликтот во Авганистан, како и цивилните жртви за време на низа копнени и воздухопловни операции на авганистанските сили за национална одбрана и безбедност (АНДСФ) и американските воени сили.

„Домовите, болниците, училиштата и продавниците станаа места на злосторства каде луѓе беа убивани и повредувани“, кажа Агенс Каламар, генералната секретарка на АИ. Каламар го повика Меѓународниот кривичен суд (ИЦЦ) да ги истражи сите можни воени злосторства.

Талибанците го преземаа Авганистан кон средината на август годинава, по што беше организиран огромен „воздушен мост“ за да се евакуираат странските државјани и Авганистанците кои работеле за западните земји. Обединетите нации известија дека во Авганистан се убиени 1.659 цивили, а дополнителни 3.524 се повредени во првите шест месеци оваа година, што е 47 отсто повеќе од претходната година.

Во извештајот талибанците се обвинетите за мачења и убиства на етничките и верските малцинства, како и припадниците на поранешните авганистански безбедносни сили, за време на заземањето на градовите.

Извештајот документира и четири воздушни напади на американските и авганистанските воздухопловни сили во изминатите години, во кои биле убиени 28 цивили и ранети шест.

Легенда под Главна слика

EPA-EFE

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе