Тројца кинески астронаути успешно се вратија на Земјата (ВИДЕО)

Тројца кинески астронаути денеска успешно се вратија на Земјата по шестмесечна мисија на вселенската станица Тиангонг, соопшти кинеската вселенска агенција, а медиумите ја нарекоа нивната мисија „целосен успех“.

Фото: ЕПА

Екипажот, кој беше на кинеската вселенска станица од почетокот на јуни, слета во базата Донгфенг, во Внатрешна Монголија, на северот на Кина, во 20:09 часот по пекиншко време, објави вселенската агенција, пренесува Синхуа.

Според медицинскиот персонал, тројцата астронаути, меѓу кои е и една жена, се чувствуваат добро.

Тројцата астронаути од мисијата Шенжу-14, командантот Чен Донг, првата кинеска астронаутка Лиу Јанг и Цаи Суже, имаа задача да ја надгледуваат последната фаза од изградбата на вселенската станица, круната на кинеската амбициозна вселенска програма.

Во 2011 година Кина беше исклучена од Меѓународната вселенска станица (ИСС) откако Соединетите Држави ѝ забранија на НАСА да биде партнер со Пекинг. Вселенската станица Тиангонг („Небеска палата“), позната и по англиската кратенка CSS, ќе работи десет години и во неа ќе се вршат разни научни експерименти во речиси бестежинска состојба.

Легенда под Главна слика

Фото: ЕПА

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе

Провокација е именувањето на бугарските клубови „Борис III“ и „Ванчо Михајлов“. Не можеа ли да бидат со имињата Елин Пелин, Димчо Дебељанов, Черноризец Храбар или Иван Вазов?

повеќе